Inaanyayahan ang lahat na makiisa sa Pista sa Nayon: Pagdiriwang ng Buwan ng Wika ngayong Martes, ika-29 ng Agosto 2023. Nahahati sa dalawang bahagi ang pagdiriwang.
Magsisimula sa ika-8 ng umaga ang mga patimpalak akademiko at laro ng lahi. Antabay lamang sa pahina ng The Freethinker para sa kumpletong detalye, kabilang na ang mga tuntunin at premyo.
Sa ikalawang bahagi naman ay magkakaroon ng Pampinid na Palatuntunan sa Social Hall, sa ganap na ika-1 ng hapon. Dadaluhan ito ng mga opisyal ng unibersidad. Hinihikayat ang lahat na magsuot ng mga katutubong kasuotang Pilipino o Filipiniana sa palatuntunan.
Ang pagdiriwang na ito ay pinangungunahan ng SSU BC – College Student Council. (SorSU-Bulan Campus)
